|
اِ خدا سي غُلام خوُ / ني چيش پيايي
|
قضاوت وِ حَق مي كِرد/ چه كدخدايي
|
|
بَميرم سي مِداليا / وِ سر شوُنش
|
بَميرم سي خين وُ صُلح/مين ديو خوُنش
|
|
دَس وِ بِرنوُ غُلام خوُ / چني وِ كارهَ
|
دَچَنِ بگير كِردهَ / گَنم مي كارهَ
|
|
هم خان وُ هم كدخدا / اوُ مَرد جنگمِ
|
ديووُ دار سنگر نِشي / سي روز تنگمِ
|
|
بَميرم سي غُلام خوُ / سر كِردهَ ايلمِ
|
مَجلس دار اوُ كارگُشا / قصهَ شيرينمِ
|
|
غُلام خوُ ركاوُ زنهَ / دوُ دشت بوُستان
|
شنگ قطار تفنگ بِرنوُ/ وا اَسب خِرسان
|
|
دادم هِي بيدام هِي / سي غُلام خوُنمِ
|
تا اَبد داغش مَنهَ / وِ بَن جوُنمِ
|
|
اِ دلِ امروُ بَنال / سي ايل سگوند
|
سي غُلام سي مَحسيه / سي حوُز دالوند
|
|
نهَ ايل مَن نهَ خان گَپ / نهَ كَسْ دلْ سوُز
|
قوُنوُنكَمِ همهَ رَ تن / يِه جا وِ يِه روُز
|
|
هَر ايلي گَپي نارهَ / خووُهَ بَميرهَ
|
بي گَپ وُ بي كدخدا / كار رَه نِميرهَ
|
|
كُجا رَت اوُ زين بَرگ / اَسب كرُوشت
|
قافلهَ شوُ رَ تنت / اُتراق روُزت
|
|
نَمَنهَ دلير پيا / اَسب عروُيي
|
نَمَنهَ چوُغا وِ شوُ / سي كار كيخوايي
|
|
زي گُذشت چرخ زموُ / دوُ روزگار خوُ
|
كُجا رَ ت همهَ دلير / مَردم حَق جوُ
|
|
دلْ خرووُ ولات خرووُ / چوُل مَن ديارمِ
|
دَر دِ دلْ تي كي بَكم / دَنگي وِرارمِ
|
|
دِلكم اُشتران كوُ / بَرفش هميشهَ
|
خي نگردهَ دِ رگياش/ حوُشك بي دِريشهَ
|
|
بيا سيل كوُ وي روُزگار/چي كِرد وا شيروُ
|
بُردّشوُ وِ زير خاك / خوُراك موروُ
|
|
دِ تنيا تنيا ترمِ / رمِس دووُارمِ
|
سركوُچيلم اشكسهَ / مُردهَ بِرارم
|
|
يك وِ يك همهَ رَتن / دلير پيايا
|
نَمَنهَ اَسب كهَر / قديم سوُاريا
|
|
دَردِكمِ دَردِ سنگي / هيچ نارهَ نوُمي
|
هيچ حكيمي دِش نارهَ / نوُم يا نشوُني
|
|
هَر حكيمي بَفَهمَه / دَردِ گروُنمِ
|
هَر چي دارمِ وش مِي يمِ / زنهَ بَموُنمِ
|
